للطيب تنصبلو كمين
ولما جنابو فيه يطب
غزلانو يصيروا سعادين
مين ياخد بايدو ؟؟مين
((شي بيجنن ))
///////////////////////////////////////////////////////
عجب عجب أكبر عجب
يابو العجايب والعجب
بتسألني ليش شو اللي جرى
أنسى لا تسأل ع السبب
حلال حرام ما في عتب
//////////////////////////////////////////////////////
عجب عجب عجب العجاب
لاتقللي ياعالي الجناب
ليش ماشي عاري بلا تياب
وبضهرك طالعلك قتب
والعقل منك أنسلب
////////////////////////////////////////////////////
بدك تقولها بس خجول
لاتنحرج ياعمي قول
كنا عناتر ع الخيول
وطولو شبرين هالشنب
وبجيوبنا يخشخش دهب
///////////////////////////////////////////////////
وهاليوم صرنا مسخره
بالخطوه نمشي لورا
ليش يا ترى اللي جرى
بالكوفي ع جباهنا انكتب
وع خدودنا دمع أنسكب
////////////////////////////////////////////////////
عنا عقل راح لغياب
الفقر سلطن بالجياب
قصابي صار يدبح كلاب
ويقول خروف بلا دنب
مين يسألوا ما في عتب
///////////////////////////////////////////////////
شو هاللي جايه من بعيد؟!
تاجر يقول الاسعار تزيد
يارب ارحم هالعبيد
سقراط الفيهم انجدب
مسكين عقلو أنسلب
////////////////////////////////////////////////////
لو نعود بطيبه الرب يجود
ويعطي عطا من غير حدود
لما تخطينا الحدود
صرنا بصف أبو لهب
بالكفر طامسين للركب
////////////////////////////////////////////////////
شعر، ، d,, نذيردهان
ليست هناك تعليقات:
إرسال تعليق