حين تصمت المدينة وتتكلم الروح بقلم نشأت البسيوني

حين تصمت المدينة وتتكلم الروح

بقلم/نشأت البسيوني 

في اللحظة اللي الشوارع فيها ساكتة والناس بتجري ورا حياتها كأنها مش شايفة اللي حواليا بتظهر الروح بصوت خافت لكنها واضح لكل حد مركز معها لحظة بتعرف فيها ان كل الزحمة اللي حواليك ما تمثّلش حاجة قدام اللي جوه نفسك وانت واقف وسط دوشة الأيام وبتحاول تلم اللي اتبعثر من افكارك ومشاعرك وذكرياتك وتكتشف ان الحياة مش بس ناس واماكن وحركة لكن 

مشاعر ووجع وفرح وقرارات واخطاء وحاجات كتير اتعلمتها من السنين واللي فاكر انه ضاع من غير رجعة بيبانلك بعد كده انه كان بيتجهز لحاجة أكبر او درس لازم تتعلمه واللي بتحس انه انتهى بيبانلك انه مجرد فصل وان الطريق لسه طويل وان كل خطوة مهما كانت صغيرة او ثقيلة بتصنع منك نسخة اقوى وادق وانت بتكمل بتلاقي نفسك بتواجه وجوه ومواقف وذكريات مرة وحلوة وبتفهم 

ان اللي يقدر يكمل هو اللي يعرف يتعامل مع كل ده ويستخرج منه معنى بدل ما يسيبه يكسرك وفي كل يوم جديد بتكتشف ان الروح محتاجة توازن بين الصمت والكلام بين الحركة والهدوء بين الحب والخوف بين الفرح والحزن وان اللحظات اللي بتبان عابرة هي اللي بتشكلك وبتخلي قلبك واعي وروحك مستعدة للغد وانت بتتقدم خطوة خطوة وبتتعلم ان الصبر مش ضعف وان الاستسلام مش 

حل وان قوة الانسان مش بس في ما يملك لكن في ازاي يقدر يستوعب كل اللي حواليه ويكمل رغم كل شيء وفي النهاية بتكتشف ان الصوت اللي جواك هو اللي بيوجهك واللي بيحدد مصيرك اكتر من أي حاجة خارجك وان كل يوم بتعيشه مهما كان صعب هو جزء من قصة انت بس اللي قادر تكتبها وتفهمها وتكملها