قلب لا يعرف الضجيج بقلم نشأت البسيوني

قلب لا يعرف الضجيج

بقلم/نشأت البسيوني 

في زمن كله صوت عالي وكلام كتير وردود سريعة في كل اتجاه لسه في قلوب قليلة ما تعرفش الضجيج قلوب ماشية بهدوء غريب وتوازن يخوف الناس اللي متعودة على الجري والدوشة القلوب دي ما بتصرخش وما بتنافس حد وما بتدخل حرب عشان تثبت وجودها لأنها عارفة قيمتها من غير ما تقول ولا تحارب ولا تقنع هي قلوب اتربت على الستر وعلى الرضا وعلى إنها تشوف وتفهم 

وتسكت لأن السكون ساعات حكمة مش ضعف والهدوء قوة مش هروب القلب اللي ما يعرفش الضجيج بيتعامل مع الدنيا بطريقة مختلفة يشوف الناس من غير ما يفضح حد ويسامح من غير ما يمن على حد ويمشي من غير ما يكسر في حد ويثبت من غير ما يدوش العالم بصوته لأنه عارف إن اللي ثابت مش محتاج يثبت نفسه وإن اللي صادق مش محتاج يشرح وإن اللي نيته خير عمره 

ما يخاف من النتيجة والقلب الهادئ ده مش جاي بالساهل ده قلب اتكسر كتير واتصلح كتير وعدى على محطات محدش يتحملها لكنه خرج من كل ده هادي أكتر نضيف أكتر أعمق بكتير من الأول قلب اتعلم إن الضجيج ما بيغيرش حقيقة وإن الصوت العالي مش دليل قوة وإن أقوى ناس في الدنيا هما اللي بيعرفوا يضبطوا صمتهم قبل كلامهم لأن الضجيج من بره سهل لكن الضجيج من جوه هو 

اللي محتاج شجاعة علشان ينطفي قلب لا يعرف الضجيج يعرف يختار اللي يستاهل يعرف إزاي يبعد من غير ما يوجع يعرف إزاي يكمل من غير ما يتعب حد يعرف إزاي يدي ويخلي العطاء يبقى علامة مش قيد ويعرف إن الراحة مش في إنك تبقى مع ناس كتير الراحة في إنك تبقى مع ناس قلوبها زيه هادية صافية مفهاش صراخ ومفهاش لعب ومفهاش شو إعلامي وعناوين كبيرة القلب 

اللي ما يعرفش الضجيج يعلمنا إن السكينة مش هروب من الدنيا لكن احترام للنفس وإن السلام مش إنك تقفل على نفسك لكن إنك تختار بعقلك قبل قلبك وإن أهم معركة يكسبها الإنسان هي لما يقرر يحتفظ بهدوئه مهما علي صوت الدنيا حواليه وأن القلب اللي ثابت على نقاوته هو الوحيد اللي يعرف يعيش ويكمل ويعدي من غير ما يدوش الدنيا ولا يتأثر بيها