ده جمالها غيه
حاجة م اللي هيه
مالكة الشعور والإحساس
دانا لو عليا
اشيله ف عنيا
واقفل عليه بالترباس
شفايفها وردي
لو يوم تعدي
بتقولك أنا عايزة اتباس
ده دلال وعدى
على رمشي عدى
والقلب خطَّى عليه وداس
والجفن جمرة
يسكر بخمرة
وتتوه ومن أول كاس
وعنيه تفاجئك
بسحر سارقك
تحبس معاه الأنفاس
والخد يابني
وداني جابني
ده رياض ومحمي بحراس
والشعر قِصّة
يا أبو أحلى قُصة
في الليل بتضوي كما الماس
والقد جاني
آه منه ياني
والخطوة طلقة وف الراس
والرمش سهمه
صاب قلبي داهمه
مالقاش نجاه ولا خلاص
والعقل يابني
من يومها سابني
والنوم معاك ولَّى خلاص
ياللي مواعدني
بغرام واخدني
وبشوق قايدني
هيم فيا زيدني
دانت الجمال فيك نبراس
بقلمي/ خالد جمال ١٩/١/٢٠٢٦
ليست هناك تعليقات:
إرسال تعليق