بقلم/نشأت البسيوني
حين يخرج الضوء من عمق المجهول ويشق طريقه في سما مضلمه كأن الزمن قرر يفكرنا ان الحياه مش بس لحظات ساكنه ولا طرق معلومه لكنها مغامره متشكله من اسئله ودهشه وخطوات بتتهز وبترجع وتقف تاني لان الانسان الحقيقي مش اللي يمشي الطريق السهل لكن اللي يصنع ممر جديد وسط صخور ما حدش قرب منها قبل كده ممر يشبهه ويشبه روحه اللي اتربت على العناد والاصرار
والبحث عن معنى ابعد من العادي ولما يقرر القلب يسمع صوته من غير ما يخاف ولا يتردد تلاقي الدنيا قدامه بتتبدل وتبقى الخطوه اللي كانت بتوجعه امبارح هي نفسها اللي بتقويه النهارده لان القوه مش في انك تكسب كل حاجه لكن في انك ما تستسلمش لانهزام داخلي كان قادر يطفيك وفي انك تعرف تخلق لنفسك باب وقت الدنيا كلها قفلت الابواب في وشك وتلاقي نفسك ماشي في طريق
ما تعرفش اخره ولا اول معالمه لكنك مكمل لان الجواك بقى اكبر من مخاوفك واوسع من حدودك وبقيت شايف ان التجارب اللي جرحتك علمتك وان الخسارات اللي كسرتك بنت في ضلوعك القدره على الوقوف وتغيير الاتجاه وقت ما الكل افتكر انك خلصت ومع كل يوما جديد بيطلع تلاقي روحك بتتشكل من جديد كأنك نسخه اتولدت اكتر من مره وكل مره اقوى من اللي قبلها وكل مره فاهمه
الدنيا بنضج اعمق وبعين بتلقط التفاصيل اللي ما يشوفهاش الا اللي اتلسع واتوجع واتعلم ولما ييجي الوقت اللي تقف فيه فوق حته عاليه انت وصلت لها بعرقك وصبرك هتعرف انك ما كنتش محتاج تصفيق ولا محتاج شهود ولا محتاج حد يقولك انت صح لانك كنت ماشي على يقين جوه صدرك بيقول ان الرحله دي بتاعتك انت وان المجد ما بيناداش الا اللي يستحقه ووقتها هتعرف
ان الضوء اللي خرج من عمق المجهول ما كانش جاي من برا لكنه كان جواك مستنيك تصدقه ومستني اللحظه اللي تمد فيها ايدك وتقوله يلا بينا
ليست هناك تعليقات:
إرسال تعليق