حب عايش جوه مني
حب ساكن عين ونني
حب سنه اد سني
أصلي منه وهوه مني
نبضه جوايا اتولد
حب واخد عقلي مني
حب قال لسنيني حني
حب أكبر م التمني
حب جوه عيونه صانِّي
عشق باقي وللأبد
حب نادر تلقى زيه
أصله معصوم م الخطأ
حب عمره ما دارى ضيه
أو بجرح ف يوم نطق
اللي فاته واللي جايُّه
فرح فيّا كتير فرق
حب مخلص يفدي خَيُّه
حب طوق ليك م الغرق
حب ضهر وليك سند
حب أكبر انه يبقى ليه تمن
حب صادق يؤتمن
حب عمره ماخاف قدر
أو هاب زمن
حبك انتي ع الجبين
مكتوب مسطر
حب وعد وشيء مقدر
حب قادر يدي أكتر
ليلته قدر يوفي ندر
يكون مدد
حبك انتي حب عمري
حب طاهر حب عذري
حب شادد فيا أذري
حب ماحي معاه ذنوبي
وكل وِزري
حب مالك وحده أمري
حب قايد فيا جمري
حب شايله جوه عيني
لحد آخر يوم ف عمري
أغلى شي ف الدنيا عندي
حبك انتي حب أبدي
بقلمي/ خالد جمال ٧/١/٢٠٢٦
ليست هناك تعليقات:
إرسال تعليق