الغرفة اللي محدش دخلها بقلم نشأت البسيوني

الغرفة اللي محدش دخلها

بقلم/نشأت البسيوني 

في حياة كل واحد فينا فيه غرفة محدش دخلها غيره غرفة ساكنة صامتة مكانها جواه لكن محدش يعرفه غيره الغرفة دي مش مجرد مساحة بيضاء أو حيطان لكنها مليانة ذكريات اللي اتخبت واللي اتنسي واللي اتشاف بس محدش حس بيه غيره كل زاوية فيها ليها صوت كل ركن فيها ليه نبرة كل ضوء فيها ليه معنى والغريب إن الغرفة دي ساعات بتكون مليانة ضحك ما حدش سمعه ودموع 

ماحدش شافها وأحلام اتكسرت وأحلام اتحققت أسرار صغيرة ما حدش يعرف عنها حاجة قرارات اتخذت من غير ما حد يشوفها لحظات ضعف وقوة اختبارات صامتة كل شيء بيشتغل جوة الغرفة دي لتشكيلك بدون ما تحس وفي كل مرة تقف جوة الغرفة دي وتسمع نفسك تبدأ تفهم حاجات عنك ما كنتش تعرفها هتعرف قد إيه انت صبور وقد إيه انت قوي وقد إيه روحك قادرة تتغير 

وتتعلم وتستقبل الجديد وتستغني عن اللي ما ينفعش وتحتفظ باللي يستاهل وتبني نفسك من جديد كل زاوية فيها درس كل ضوء فيها فرصة والأجمل إن الغرفة دي مش محتاجة حد يشهد عليها مش محتاجة كلام ولا تقدير هي ملكك انت وحدك وملك كل اللي جوه قلبك وعقلك وروحك كل خطوة اتعملت فيها كل دمعة نزلت فيها كل فرحة عشتها فيها بتترتب جوه الغرفة لتخلي الانسان 

يعرف مين هو ومين اللي حوله ومين اللي محتاجه ومين اللي لازم يبعد عنه ومع مرور الزمن الغرفة دي تتغير تتوسع تتنور وتتعلم من كل تجربة جواها كل شعور جوهها بيتحول لفهم وكل لحظة صمت جوهها بتقويك وتخليك تعرف تفرق بين اللي يستاهل واللي مجرد مرور وكل ما تبقى صادق معاها كل ما تكبر وتتعلم وتستعد لمواجهة العالم برا الغرفة الغرفة اللي محدش دخلها هي أكتر مكان 

حقيقي في حياتك لأنها تعلمك كل حاجة عن نفسك وتخليك أقوى أهدى أعمق وتفهم قيمة كل لحظة وكل شعور وكل خطوة وكل شخص في حياتك من غير ما حد يفرض عليك أي حاجة