الليل اللي يعلمك تتكلم مع نفسك بقلم نشأت البسيوني

الليل اللي يعلمك تتكلم مع نفسك

بقلم/نشأت البسيوني 

في لحظة الليل لما الدنيا تسكت ومافيش صوت غير نفسك تلاقي نفسك بتتكلم مع قلبك وعقلك وروحك كلها في نفس الوقت من غير ما حد يسمعك من غير ما تحس انك بتحاول تثبت أي حاجة لأي حد الصوت اللي بتسمعه جوه مش كلام مش نصائح مش تبريرات ده بس صدى كل اللي جواك من مشاعر افكار وجروح وأحلام مكبوتة وكل حاجة كنت فاكر انها ضايعة أو انتهت وفي 

اللحظة دي بتعرف إنك كنت عايش على سرعة الأيام على كلام الناس على ضوضاء العالم وماكنتش سامع نفسك اصلا وبتبدأ تسمع حاجة غريبة بتحسها لأول مرة شعور عميق بيقولك انت قادر على كل حاجة انت أهدى من اللي كنت فاكر انت أقوى من اللي حسيت وانت أصدق مع نفسك من أي وقت فات وبتشوف كل اللي فات من منظور مختلف كل الهزائم كل الخسارات كل الوجع بتبقى مجرد 

خطوات صغيرة كانت بتجهزك للي جايلك والجميل ان الليل اللي بتتكلم فيه مع نفسك بيخليك تكتشف حاجات في الناس من غير ما يشوفوك بيخليك تعرف مين اللي قريب فعلا ومين اللي كان موجود لمصلحة ومين اللي اختفى ومين اللي يستاهل مكانك ومين اللي مش يستاهل حاجة وانت ما تقولش كلمة عن اللي اكتشفته ده كله مجرد صمت بيخليك أعقل أهدى أقوى وفي الآخر تلاقي نفسك 

واقف قدام نفسك بابتسامة صغيرة رغم كل التعب رغم كل الجروح رغم كل اللي ضاع وبتعرف ان الكلام اللي ما اتقالش واللحظات اللي عديت صامتة هي اللي بنتك بشكل أكبر علمتك تتفهم نفسك أكتر علمتك تصبر أكتر علمتك تحب أكتر بدون شروط وبدون خوف

 اللي يعرف يتكلم مع نفسه في الليل يعرف قيمته يعرف قوته يعرف حدود قلبه وروحه ويعرف ان الصمت مش فراغ الصمت 

حياة صمت يعلمك الصبر يعلمك الصمود يعلمك تكمل الطريق مهما كانت الليالي مظلمة