ما عندي مشاكل
و لا أنا مكابر
بوسي السنابل على البيادر
شو اللي حاصل يا زند الثائر؟
جمعة وصايا و جمعة بواسل
بصوت البلابل..حَطوا السلاسل
بس رح منغني و لا منهاجر
مين قلك قلبي بقبل بدائل ؟
يللي عقدتي بدمي الأواصر
جرح الحرية مع القوافل
ماشي بدروبك غزة المآثر
صلت الجمعة بدر الأصايل
و الأشواق صامت و الصقر صابر
زيتونة خطبت على المنابر
و جسم العروبة للورا مايل !
بفهم أوجاعك أنا ع َ الطاير
و صاعد مستني حتى لو نازل
شو بدك مني يا أم الجدايل
حكينا بكرا و عطرك منائر
قالت عشقانة بشهر الفضائل
و أنا بدي مهري ضرب الخناجر
ما في مشاكل غير القبائل
غارت علينا و نسيت الغادر
مدّي أضلاعك فوق السواحل
و عيوني موجك و كفي سواتر
بيوم ميلادك حامل مشاعل
و الحرف باشق و حبك بشاير
سليمان نزال
ليست هناك تعليقات:
إرسال تعليق