بطلي ظنون واسمعيني
بطلي غرور أو تعالي
ياللي قلبي ونن عيني
والحنين قالك تعالي
ليه بكلمة تودعيني
قلبي رايدك ليه حلالي
واما اجيلك تمنعيني
تجني ع الأحلام ف بالي
هان عليكي شوق سنيني
سهري وف عز الليالي
هان عليكي دمع عيني
اللي ناجى ف حب غالي
والكلام بينك وبيني
اللي كان بيداوي حالي
لما كنتي بتوعديني
بكره لينا هيبقى حالي
دانتي لو ناوية تسبيني
مش هعيش بعدك ثواني
مش هعيش والخوف ماليني
مانتي حبك كان أماني
قلبي قبلك عاش يعاني
بعد منك نبضه فاني
كل ليلة ف بعدك انتي
صعبة هتفوق احتمالي
ارجعي لعشقك حبيبتي
قلبي مش حِمل الليالي
بقلمي/ خالد جمال ١٦/٢/٢٠٢٦
ليست هناك تعليقات:
إرسال تعليق