الزمن برئ بقلم حسن الشوان

.............. الزمن برئ ............

لما يكوون الظالم عايش قاضى 

مش دارى بهمووم الناس

وعايش ف دور الحكيم الراضى

ومعندووش ذرة إحساس

وفلسفته من عقل أصله فاضى

بأحكام فارغة من أى أساس 

فيلسوف فارغ مالوش أى ماضى

ولا له فى الحكمه ميراث

معزول عن نفسه وعن أهل القاع

حواجز حواليه وحُراس

بيخاف من الطبيعه ومن المتاع

ومن الهوا وصوت الترباس

ومن شجرة التوت ومن إللى جاع

من عيون بتبكى ومعهاش

من دموع بتحكى بإخلاص

عايشه الوجع بكُل مقاس

بتشقق الخدود بكل ملامح الأوجاع 

الزمن برئ من كل ظالم 

ولا له أى دور ولا معالم 

ولا يعرف المحكوم والحاكم 

وبرئ من أى أحكام فى أى صراع 

....................................... 

..... د/ حسن الشوان 🇪🇬 ......