....................................
كلمة منك عندي تساوي كتير
حتي وأنت بعيد بنظرة
بيحصل حاجات فيها تغير
بكون في حالة غير أي حالة
وإستحالة طبعا إنك مايكونلكش
على قلبي أدنى شك و تأثير
شوف بنفسك حالتي مش محتاجة
شرح وقوالة وتفسير
طبعا كل حاجة قدامك شاهدة عليه
وبتقولك تعالى بقى حبيبي تعالى
وبسرعه من غير تأخير
خلينا نلحق من الزمن فرحه
حتي بزيارة تكون بس ليومين
أشوفك وأسمع لصوتك فيهم
عليك أطمن إنك ياحبيبي بخير
ماتفوتش الفرصة تعالى ماتقولش
بينك وبين نفسك لسة العمر
باقي فيه كتير
دا العمر يادوب لحظة وبيعدي
واعتبر دا كان بالنسبالك
مني آخر تحذير
كلمة منك عندي تساوي تقدير
ساعة مابتقولها بطبطب
على قلبي وترفع من روحي
تعليها يا روح روحي
ياحبيب عمري من غير تفكير
منها عليه نطمن أنه لسة بخير
روحي قوليلة في قلبي هو ساكن
ومالكش في قلبه شريك
كلمة منك عندي تساوي كتير
الكلمة اللي أنا حاسس معانيها
وكنت مستنيك من زمان
تيجى تقولها تشفي بيها جراحي
بدون تخدير
ودا لأني بحبك و في حبك
أنا ديما بخير
بص على قلبي وشوف أد إية
إنت مالكة في إيدك وهو سابني
وراحلك وصار عندك أسير
بقلم عبد المنعم مرعي
ليست هناك تعليقات:
إرسال تعليق