جاي راجع ليا دامع
مالي كل الكون صريخ
يشكي قلبه من المواجع
لا بجد صحيح يا شيخ ؟!
جاي يقول الشوق كواني
زي فحمة بتشوي سيخ
جاي وفاكر إنه ساحر
يقلب الشربات فسيخ
صابني حزني ومال توازني
بُعده أثَّر ع المُخيخ
جاي بعد ما راح زمانه
يشتكيلي من هوانه
فكره راح اطبطب وازيح
جاي يحلف بالليالي
ظنه قلبي يعيده تاني
كنت امتى معاه صريح ؟!
جاي يقوللي ماكانش قصدي
حق قلبك أيوه عندي
مانت سبته سنين جريح
دانت كدبك عدى سنك
دانت بيه دخلت التاريخ
دانت غشك مالي وشك
والملامح فيك مسيخ
دانت عمري معاك وسني
خدته مني
سبت نبض الروح يشيخ
لا يا شيخ
بقلمي/ خالد جمال ٧/٢/٢٠٢٦
ليست هناك تعليقات:
إرسال تعليق