للجمال والحسن وارث
فوق كنوز السحر حارس
ياللي عقلي اتشد ليكي
وانشغلت بسرعة بيكي
قلبي كانلك خيل وفارس
ورد خالها النني خاطف
وبدلالها تثير عواطف
لو يشوفها الليل يزول
والقمر هيبان خجول
يخفي وشه كأنه خاسف
رمش عينها المهجة جارح
نصله جوه ف قلبي سارح
زي سهم وبيه راميني
لأ مفيش ياما ارحميني
راح وسابني ف دمي سايح
سحر عودها الفكر واخد
خطوة منها الروح تواعد
جسم بيشد العيون
خطوة بتسبب جنون
أيوه قد اتنين ف واحد
لون خدودها احمر وباهي
لونها رباني والهي
لأ وفيها الغمازات
ورد مرصوص في الفازات
تخطفك لو عنها ساهي
حسن باهي
بقلمي/ خالد جمال ٣٠/٣/٢٠٢٦
ليست هناك تعليقات:
إرسال تعليق