ياللي بحبك رد عليا
طمّن قلب ف حبك داب
بتحبني ولا أنا يا عنيا
عشت ف وهم معاك وسراب
قلبك حس بقلبي وبيا
ولا أنا حد من الأغراب
وعدك هيحقق أمانيا
ولا أنا أملي في حبك خاب
بدرك بيلالي ف لياليا
ولا جفاني الضي وغاب
مهما اوصفلك برضو شوية
ده الشوق فيا مخطي سحاب
وان هكتبلك صعب عليا
محتاج كده ييجي ألف جواب
دانا احساسي هينطق فيا
مهما بداري ف شوق غلاب
والحيرة اللي انكتبت ليا
لازمت عقلي كما الأصحاب
واللهفة اللي بتصرخ فيا
واللوعة اللي ماليها حساب
لو هحكيلك عنها شوية
لو هوصفها تقول كداب
رد يا عمري وحن عليا
قلبي خلاص مش حِمل عذاب
دانت ف صدك دمع عنيا
حسرة قلب ف حبك شاب
أما سعادتي وفرح الدنيا
لو يوم قلت اننا أحباب
بقلمي/ خالد جمال ٢٩/٣/٢٠٢٦
ليست هناك تعليقات:
إرسال تعليق