ده جماله وهم يا ناس
لو شفته ما تصدق
في الرقة والاحساس
عصفورة بتزقزق
لو عدى قلبي خلاص
يتشد يتمزق
والعقل جوا الراس
ميت حته يتجزأ
الروح سبايك ماس
بتلالي وبتبرُق
وجبين يشع ضياء
شمس وعليك تشرُق
العين قمر وناس
والرمش نار تحرق
والشفة خمرة ف كاس
تسكر قلوب تسرق
الحسن نبع وراق
والسحر ليه رونق
لا ذواق يداري ما ساء
ولا لبسها محزأ
العفة والأخلاق
ف حياتها دول مبدأ
ده جمال ولِيه حراس
ومحال عليه تقلق
لو حد فكر شاء
يعاكسها واتجرأ
تلقاها خُلقها ضاق
يتهان ويتهزأ
دي من الألف للياء
سكر ومتعتق
بقلمي/ خالد جمال ٢٧/٤/٢٠٢٦
ليست هناك تعليقات:
إرسال تعليق