بقلمي محمد عنانى
إفتح كتاب الزمن وإقرا اللى باين فيه
حتلاقي فيه العِبر وتتوه مع خطاويه
وبين سطوره العجب متكعبله حكاويه
قليل حروف باينه وحروف كتير مش فيه
الفرح فيه ساعات وكتير شجن غناويه
وبَشر تشوف أنواع مش بس نوع تلاقيه
تِلقا اللي صادق صريح والطيبه بتعليه
ويا اللي ظُلمه إنتشر والغدر داء ومليه
واللى بغدره إتظلم بمرار بيدعى عليه
واللي في سعد وهنا بنهاره مع لياليه
وغيره توب الشقا مع المرار يداريه
ولكل واحد حكايته وفيها سر بيخبيه
ودا هو حال الزمن ولا يِستاهل نِبكيه
وفي النهايه الكل تحت التراب يواريه
ومعاه كتاب العمل فيه الحروف بإيديه
بقلمي محمد عنانى.
ليست هناك تعليقات:
إرسال تعليق