انك تعيش العمر ليا
وتخاف عليا
ماتنسانيش لو حتى ثانية
حضنك مكاني ساكن كياني
دارك عنيا
ولا عمر وعدك ليا تخلف
بتقوللي احلف
مابيداويش غير لمس كفي
مابتترويش الا بشفايفي
ما تجيش عليا وتكون ف صفي
قلبك حنون وتملي يعطف
انك جمالي وسحري بَهَرَك
ومعايا يحلى نومك وسهرك
ولا عمر ليلة تديني ضهرك
أو عني نظرك مرة تصرف
ما يبات ف يوم خصام ما بينا
وان كان فيه لوم يكون ما بينا
نطوي الهموم ونعيش ف جنة
ربك بفضله علينا يخلف
قلبين كده وبينهم سماح
ماهو بالرضا تطيب الجراح
واقفين كده ف وش الرياح
لو علينا جايه تعصف
بتقوللي احلف
بقلمي/ خالد جمال ٢٥/٤/٢٠٢٦
ليست هناك تعليقات:
إرسال تعليق