كل الحواس تملك وظيفة واحدة
الا العيون بتشوف وتتكلم
وانا ف الغرام وحبيبي حاجة تانية
بنقول كلام من غير مانتكلم
لغة العيون لغة دارجة عالمية
مالهاش قاموس لا حروف ولا معلم
لغة الهيام مليانة حنية
قبل الكلام ف قلوبنا تتحكم
ممكن تقول أنا شوقي فاض بيا
وبرمش عين تلاقيها بتسلم
عايزاك أوام تسرقني م الدنيا
تحلف يمين عشقاك وبتألم
توعد حبيب لو كان مابين ميه
وتقوله سيب قلبك بقى وسلم
تمحي ف سنين من حزن وأسية
وتداوي عين لو ضيها مضلم
توصف حنين وتلاغي ملاغية
تشكي الأنين لحبيبها تتظلم
تهمس تدوب وتناجي مناجية
وتقول يامين يوصله ويسلم
لغة الغرام لغه غامضة مخفية
مالهاش مثيل ف عيونا تتكلم
لغة العيون
بقلمي/ خالد جمال ٢٩/٤/٢٠٢٦
ليست هناك تعليقات:
إرسال تعليق