ولا يوم من أيامك يا أمي يتعوض
ولا حضن من حضنك بلاقيه وأنا موجوع
الدنيا بعدك بقت برد وغياب
وأنا من غيرك تايه.. وقلبي مفزوع
كنتِ تصحي قبلي، وتجهزي لي فطاري
وتقولي: ربنا يحميك" وتطبطبي على ناري
دلوقتي بصحى على صمت البيت
ومافيش دعا يطمن، ومافيش داري
ولا يوم من أيامك يا أمي يرجع
ولا صوتك في البيت أسمعه وأسمع
كنتِ الونس، كنتِ السند والأمان
رحتي، وخدتي معاكي كل المنبع
لما أتعب، أنادي وأقول: "يامه"
أتاري النداء بقى للهوا والعتاب
مافيش إيد تمسح دمعتي في ساعة هم
ومافيش قلب يحس بيا غير التراب
سامحيني يا أمي لو في يوم زعلتك
أو رديت كلمة وجرحتك من غير ما أحس
والله العمر بعدك بقى ندم
ولا يوم من أيامك يا أمي.. يتنسي
نامي في جنتك وارتاحي يا غالية
ودعاكي ليا لسه ساندني في الدنيا
وكل سجدة بدعي لك بالرحمة
أصلك كنتِ الدنيا.. وما بعدك دنيا 💔
محمد السيد حبيب
ليست هناك تعليقات:
إرسال تعليق