اكمن جماله يا ناس مغري
واكمن ما بآجي معاه دوغري
يلعب بالقلب وبالاحساس
علشان مانا بعشقه من صغري
اكمني بخاف م النسمة عليه
وبدوب ف الرقة الساكنة عنيه
بهواه وبشوفه اعز الناس
دانا بعشق حتى تراب رجليه
لو عدى أنا نجمي بيلمعله
يهمسلي القلب أنا هطلعله
بحرير وياقوت وبلولي وماس
تزدانله الروح تترصعله
يا حبيبي بجد أنا مش قادر
ده الشوق ف القلب صعيب قادر
ليه تسيبني اعيش ويا الحرمان
وانت على الوصل معاك قادر
لو فات بيئيد فيا نيرانه
واتخيل قلبي في احضانه
ما يقوللي لامتى هعيش مجروح
هصبر على صده وهجرانه
ويوماتي أنا ويا الشوق بسهر
وجراحي ان حل الليل تظهر
ده الناي اشتكى من أوجاعي
أمتى يدقلي طبله ومزهر
لو طلب الروح مني اديله
لو بينا بحور راح اعديله
دانا اهة قلبي تئيد جواه
والروح دمعتها ف منديله
قلبي عليله
بقلمي/ خالد جمال ١٧/٤/٢٠٢٦
ليست هناك تعليقات:
إرسال تعليق