قطع الشوق مشوارو
و اتفتّحت أزهارو
بعدو هالوطن وطنا
و تألقت أقمارو
غطّى الزمن بذراعو
اللي مدافع عن دارو
عدّل العشق أوضاعو
في حدا منو غارو !
حَضن الدرب أحرارو
حواليه الأيام دارو
صبية ببسمة بتسمعني
و الحُسن معو أسرارو
و الورد لمّا بيفهمني
رح يلحقني بأزهارو
شفتو للنهر بأوجاعو
متصالح مع تيّارو
الحق أنوارو ما ضاعو
ماسك بإيدو أخبارو
يا معنى تاركني عندو
بفتش عن آثارو
لمّا لقيتو أعلن مجدو
و احتفى في ثوارو
غرس الوعد أشجارو
كتب البحر أشعارو
بتهرب يللي محاصرني
للغرب و أشرارو
سليمان نزال
ليست هناك تعليقات:
إرسال تعليق