نقطة تحول بقلم نشأت البسيوني

نقطة تحول

بقلم/نشأت البسيوني 

في يوم ما تصحى وإحساس غريب جواك يقولك إن اللي كنت متحمله بقى تقيل وإن اللي كنت ساكته عليه بقى خانق وإن الطريقة اللي كنت بتكمل بيها ما عادتش مناسبة ولا نافعة ولا شبهك ووقتها تدرك إنك وصلت لنقطة لازم يحصل عندها تغيير حتى لو شكله مخيف أو مؤلم أو محتاج شجاعة ما جربتهاش قبل كده وتلاقي نفسك واقف قدام سنين من التراكمات اللي اتبنت 

عليك من تعب كان ساكنك من علاقات استهلكتك من طريق مشيت فيه وانت مش مقتنع بيه من تنازلات قدمتها من غير ما تاخد مقابل ومن أحلام أجلتها لحد ما اتحولت لظل بعيد وتبدأ تسأل نفسك اسئلة تقيلة كنت دايما تهرب منها ليه ساكت ليه بتقبل الأقل ليه بتمرر حاجات ما ترضيش حد ليه مستني حد ينقذك ليه راضي تكون في الصف الأخير وانت عندك القدرة تمشي لقدام ليه بتخبي 

وجعك وليه مكسوف من ضعفك رغم إنهم طبيعيين في رحلة زي دي ومع الأسئلة تلاقي جوهك صوت هادي يقولك إنك تعبت وإنك محتاج تقف وتعيد حساباتك وتختار اللي يناسبك مش اللي يرضيهم وتقرر إنك مش هتكمل على نفس المنوال وإنك مش هتفضل محبوس في دائرة عمرها ما وسعت عليك وإنك خلاص شبعت صبر وشبعت تنازل وشبعت تمثيل قوة وتاخد أول خطوة 

خطوة هادية بس حقيقية خطوة ما حدش يحس بيها غيرك لكنها بالنسبالك ثورة خطوة تطلعك من الناس اللي بتقلل منك ومن الأماكن اللي بتعطلك ومن الروتين اللي بيطفيك ومن كل حاجة بتستنزف روحك ولما تمشي شوية تحس إنك بديت تتنفس بعمق إن قلبك بيتخفف وإن ملامحك بترجع لنقائها وإنك رجعت جزء من نفسك اللي ضاع منك في الطريق وإنك أخيرا بتسمع صوتك اللي 

كان غايب وسط ضجة الحياة وتشوف إن التغيير مش نهاية العمر ولا علامة خسارة وإن اللي بيبعد ما كانش ليك أصلا وإن اللي يتغير جواك أهم من اللي يتغير حواليك وإنك لما تختار نفسك العالم بيتغير بطريقة غريبة كأن كل باب كان مقفول بيبدأ يتزق شوية تفهم إن نقطة التحول مش لحظة واحدة لكنها قرار متكرر كل يوم إنك تحافظ على نفسك وتختار الطريق اللي بيكمل روحك وتسيب 

أي حاجة ما بقتش تضيف لك وإنك تمشي بخطوات ثابتة حتى لو الطريق طويل المهم إنك ماشي لنفسك مش ضدها