عشمني بحبه ليا
بليالي كتير هنية
قاللي هعيشلك حياتي
هتآنس بيك يوماتي
أتاريه بايع القضية
والقسوة دي عنده غيه
ندل وكمان كداب
قاللي هنكون لبعض
مش هيفرقنا بُعد
أتاريه كلام أغاني
يتقال يعدي ف ثواني
كان قلبه عليا جاني
شفت معاه العذاب
قاللي ماتشيلش هم
صدقني حبك أهم
خان شوقي وباع حناني
ف النار والويل رماني
جه عليا هوه وزماني
ما يفيدش معاه عتاب
فوضت لربي أمري
على حيرتي معاه وصبري
ده أكيد هيآسي بعدي
هيشوف الويل ف بعدي
وجراحه تجيب تودي
هيجيله بعدي اكتئاب
دانا يوم ما احتاجت لِيه
شفت الخيانة ف عنيه
ليه بس معاه ظلمني
ليه ازيده ويقل مني
علي جرحي الله يعيني
كان حبه وهم وسراب
فص ملح وداب
بقلمي/ خالد جمال ٣٠/٤/٢٠٢٦
ليست هناك تعليقات:
إرسال تعليق