يشاورلي بعين وقلب
وايديه بيلوحوا
بياخدني بعيد ف جمب
ويقوم من مطرحه
ويميل بكلام محب
على قلبي وينصحه
بيقول فيه واحد يحب
وميه بيكرهوا
حرص من ناس تغش
وبعقلك يسرحوا
من ناس ف الوش بش
وف ضهرك يدبحوا
ده كلامهم زيف وكدب
ف أذية بيفرحوا
ماتخافشي دي ليها رب
لو داروا أو صرحوا
قادر على كل صعب
يجمع لو يطرحوا
بيخلي الشرق غرب
وف ثانية يروحوا
على ايه تلعن تسب
لو فيك بيجرحوا
هيجيلهم يوم يا بوب
يبكوا وينوحوا
بس انت قول يا رب
والحال راح يصلحه
بقلمي/ خالد جمال ٢٨/٤/٢٠٢٦
ليست هناك تعليقات:
إرسال تعليق