كحل العين ده واخدني لفين
فين ف هواك هيوديني
هغرق فيه بين شوق وحنين
ولا لبره يعديني
هيزيد فيا جراح وأنين
ولا معاك هينجيني
هيتوهني شهور وسنين
ولا بسحره هيهديني
هيفوت قلبي جريح وحزين
ولا الفرحة هيهديني
ياللي معاك ندهتلي العين
شاورت بالكحل لعيني
ولقيت نفسي ف ظرف يومين
هايم والسحر كاويني
بسأل نفسي وأبين زين
حس بعشقي اللي ماليني
حس بلهفة اليه وحنين
ولا ده وهم مغطيني
حد أنا عادي من الملايين
غنتله يا ليلي يا عيني
ولا سكنت ف قلبه وتين
عن عشاقه مبديني
مرة في مرة باحت لي العين
وقالتلي انت يا نور عيني
انت اللي ارتحتله يا جميل
أنت وبس اللي ف عيني
فين يا حبيبي غرامك فين
ليه غبت كتير عن عيني
بعد ما كنا روحين اتنين
بقت الروح بينها وبيني
كل ده كان من كحل العين
يوم ما شبكني وخد عيني
بقلمي/ خالد جمال ١٦/٤/٢٠٢٦
ليست هناك تعليقات:
إرسال تعليق