إنت ليه مابقتش تقولي أشعار
زي زمان لما كنت بتسهر معايا للأسحار
كان كل حرف منك بيطبطب على قلبي
وكل بيت شعر.. يصحّي فيا ألف نهار
سكَتّ ليه؟ والكلام كان بينا ورد
بقى الصمت بينا جبل، وجوايا انكسار
كنت لما تغيب، قصايدك تجيبك
دلوقتي غيابك طال، وضاعوا الأفكار
وحشتني كلمة "بحبك" وهي متغلفة
بوزن القوافي، وبنغمة الأشعار
ارجع قول لي شعر، حتى لو كدبة
أنا راضية أعيش في وهمك.. بس تختار
تختار تقولي إني لسه غالية
وإن العيون اللي تحبك.. لسه كُبار
إنت ليه مابقتش تقولي أشعار؟
هو الهوى مات؟ ولا قلبك احتار؟ 💔
محمد السيد حبيب
ليست هناك تعليقات:
إرسال تعليق