يا فؤادي مالك؟ ليه ساكت وحزين
ليه نبضك بيعزف لحن من أنين؟
كنت حصن منيع.. ما يهزك ريح
إيه كسرك؟ ومين علّمك تكون جريح؟
يا فؤادي كنت بتضحك في وشّ الوجع
وكنت بتقول للهم: "ملكش عندي قُعاد"
فإيه غيّرك؟ ومين سقاك كاس الضياع
لحد ما بقى الصبر عندك.. رماد؟
يا فؤادي.. مش ده أنت اللي وعدني
إنك ما تميل.. إلا للي صانك سنين
فإزاي ميّلت لنظرة خداعة
وسِبت اللي كان لك.. ستر ووتين؟
فوق يا فؤادي.. كفاية لوم وعتاب
ما عادش ينفعنا البكا على اللي فات
قوم نلمّ اللي اتبعتر من شتاتنا
ونقفل الباب.. على اللي باع الذكريات
يا فؤادي.. الحب مش مذلّة
ولا عمره كان للقلب جلاد
الحب عهد.. واللي يخون عهده
ما يستاهلش دمعة من الأحداق
ارفع راسك.. واطفي نيران حنينك
واكتب على جرحك: "انتهى الميعاد"
بكره تلقى اللي يصونك.. ويعرف قيمتك
ويقول لك: "يا فؤادي.. أنت لي زاد"
يا فؤادي.. أنا وأنت اتفقنا
ما نتهزش.. إلا لله والسجاد
فارجع قوي.. زي ما كنت زمان
وأنا أوعدك.. ما أسيبكش تاني للأوغاد 💔➔
محمد السيد حبيب
ليست هناك تعليقات:
إرسال تعليق