بتقول حبيتني انت الأول
بتقوللي أنا عاشقك م الأول
طب اسأل قلبك وعيونك
يقولولك مين حَب الأول
بتقول حسيتني أنت الأول
من شهر اتنين لو هتطوِّل
يا حبيب الروح دانا مجنونك
من أول أول عام نَوِّل
هتقوللي هويتك من صغري
أنا جاي معاك سكة ودوغري
أنا عاشقك من قبل ما كونك
يتكوِّن كان ف سماك بدري
مهما هتحلف مش راح اصدق
مهما هتوصف قلبي الأصدق
ف بلاش تستسلم لظنونك
ليك مهما تقول أوعى تصدق
وان طالبة معاك يابني تحدي
لاجل ما تثبتلي انك قبلي
كل اللي تصرَّح بيه هيكون
اثبات يا حبيبي انك بعدي
أنا قبلك بيك الروح حاسة
وبحبك من أول همسة
انك تساويني محال هيكون
أدامك ياما كتير لسه
أنا عاشقك من قبل زمانك
أنا جيت للكون ده علشانك
قلبي بيهواك والروح بتصون
لو فين بتروح عارفة مكانك
لو مهما تقول كده وتهوِّل
عمري ما عن رأيي انا هتحول
لو عشقك قد قيراط يا جميل
عشقي أنا فدادين فيها تتجول
مين حب الأول
بقلمي/ خالد جمال ٢٣/٥/٢٠٢٦
ليست هناك تعليقات:
إرسال تعليق