مهما يقولوا
اوعى تصدق
راح مش راجع
أصله ماصدق
اوعى تصدق إني ما صدق
مهما يقولولك عني
دول غيرانين مني
علشان ملكني هواك
وسكنت ف النني
علشان بيهووا اساك
يتمنوا نتفرق
ف القلب والمهجة
حبك عامل بهجة
على طبعي مطبع
ع العرش متربع
وان كان ف قلبك شك
ما تشوف وتتحقق
ده مش عشان ، كلمتين قولتهم
لحظة غضب ، ومكانش ده وقتهم
هبعد ويكونلي رد
وانسى الغرام والود
واهجر كمان واصد
ده ازاي يكون مبدأ
ده غرامنا يابني كبير
فوق الكلام بكتير
ده كلام مالوش تأثير
دخان أوام بيطير
جوانا ولا يفرق
سيبك من الأوهام
من كدب ناس لوام
ده احنا اللي بينا غرام
وتعالى نطوي آلام
نعيش سوا الأحلام
أشواقنا تبقى الغاية
جوانا مالها نهاية
ملكك أنا يا دنيايا
من غير ما قول وانطق
دي عنيك مرسى أحلامي
وهواك لقلبي الشط
فات أهلي باع أيامي
وف بحر عشقك نط
لو الطوفان كان عالي
لو شال في قلبي وحط
ازاي تسيبني أعاني
أو اهون عليك أغرق
اوعى تصدق اني ماصدق
بقلمي/ خالد جمال ٦/٥/٢٠٢٦
ليست هناك تعليقات:
إرسال تعليق