تعالى ياعم قرب ياخال
تعالى اقولك كلمتين
العشرة عايزة معلمين
دا العشرة فن وهندسة
واحذر وأوعى تكون عبيط
ملعون ياخال كيد النسا
واخدين شهايد فى النكد
واقل واحدة مدرسة
تدخل عليها محتاج سلامها
محتاج حنانها
تلاقي بوز ولا مكنسة
ولو هيا استاذة نكد
خليك مدرس علم نفس وفلسفة
طبطب عليها بكلمتين
وضحكة صفرا مؤنسة
وأضرب من تحت الحزام
وأياك تسيبها موسوسة
خلطة كلام وحبة دلع
وابرة مسكن فى الوريد
تنام وتصحى مهندسة
خليك ضريف خليك خفيف
لما تشوفك تشتكي بعرق النسا
والديسك عطلان وكل المفاصل متعبة
وشكل ركبي مسوسة
تخليك ياعيني
تقطع شفايفك مصمصة
والله يابني العشرة معاهم متعبة
ولو شخطت تقوم حصان وتعمل حالة مرعبة
طب نعمل ايه
نصبر عليهم
والصبر عالي المرتبة
خد مني سر وأمر تاني بس غالي
طلق مدامك بالتلاتة قبل الممات
عشان هناك مفيش نكد
وتعيش حياتك والحور هناك مستنياك
خليك فطن واسمع كلامي ونفذه كدا من سكات
نور الدين نبيل
١٣/٥/٢٠٢٦
ليست هناك تعليقات:
إرسال تعليق