.............
ليه بتحكم قلبي ما بينا
ما أنت عارفني مشاعري قزاز
مش بتحمل تبعد عني
عاشقه عذابك إملا الكاس
ياما تخاصم وأجي أصالح
ياما فرشت كرامتي مداس
نفسي أفوق من وهم غرورك
وأكسر ليل مفيهوش إحساس
تمثال دافن روحه بأيده
حاضن شوك ومرار ما رواش
صدق كدبه وشاف بعيونه
ووهم مرآيته سراب فيه عاش
حاول ياما يخلع ثوبك
يستر عمره الباقي ملقاش
حتى الفرحه نسيت إني
طعم الضحكه ما بدوقهاش
تايهه فى حب ما بيقدرشي
إني عشانه عديت ياما ناس
وقت ما أشوفه ما بفكرشي
وأجري عليه بدموع إحساس
أيوه نسيت أحزاني ووجعي
ونسيت عمري في حضنه وباش
بقلم .. صبري رسلان
ليست هناك تعليقات:
إرسال تعليق