دانتي لما تشوقيني
قلبي فيه بتمتعي
ببقى طاير من حنيني
لو عليه تدلعي
مش بتبقي بعيد يا عيني
دانتي ملكي ف مخدعي
اتمنعي
زيدي فيا اللهفة ليكي ولوعي
شكليني انا بين ايديكي
وطوعي
مهما كنت هاموت عليكي
اتمنعي
لو نار غرامي قايدة بيكي
زيدي فيها وولعي
لو روحي ندهت يوم عليكي
ترحميها
اوعي ليها تسمعي
لو دمعي سال من شوقي ليكي
اوعي لاجله تدمعي
اتمنعي
علميني يا ساكنة قلبي يا ملهمة
واتقلي على عين بتعشق مغرمة
طلعيني برج شوقي من الهوى
من بدايته لحد آخر سِلِّمة
حطي قلبي ويا روحي على الدَرَج
اوعي تخشي لوم يا عمري أو حرج
لاجل ماصعد بيك صروحي من الغرام
واخطفك واغزو الفَلَك
وصليني لاعلى كوكب في السما
اسكنيني انا روحي ليكي مسلمة
واحضنيني انا عيني بيكي متيمة
جمب نجم الشوق يا عمري
ضوي ليا والمعي
اتمنعي
ياللي احساس الهوى
جمبك ده كان أجمل قدر
اشرقي بشمس الغرام
عوضيني عمر ضاع ف الغيم هدر
اروي نبت الشوق في قلبي
لما يعلى يكون شجر
حنني عليا الزمان اللي خان
قلبه كان زي الحجر
بلقى وياكي الأمان والحنان
والسعادة من الضجر
ايدي ناري وشعلليني
مَنِّي عيني وشوقيني
وان قالتلك يوم كفاية
اوعي ليها تخضعي
اتمنعي
بقلمي/ خالد جمال ٢٥/٧/٢٠٢٦
ليست هناك تعليقات:
إرسال تعليق