عشت العمر انا بخلص ليك
وانت خدعت بكل ما فيك
كنت ف قلبي وعيني بشيلك
كنت في ليلك نور قناديلك
بس خلاص قلبي اللي أسيرك
اتحرر من زيف تأثيرك
وما بيخيلش عليه تمثيلك
أصله ما شافش ف غدر مثيلك
بعد ما كنت في يوم بدعيلك
انا دلوقتي بدعي عليك
اى اللي جنيته عشان تجرحني
وبسكين غدرك تدبحني
دانا شيلتك فوق ضهري المَحني
وانت ما يوم قلبك ريحني
كنت بتفرح بتفرحني
وانت أساك بكَّاني نوَّحني
كنت بشوفك فجر ولاحني
ولبهجتي أنغامي ولحني
عشقك ليل جه عليا اجتاحني
غنوة حزينة بنار تلفحني
جاي دلوقتي تقوللي سامحني
تترجاني وتستسمحني
قرَّب كده من دقة قلبي
هيه ترد عليك وتلبي
بتقول روح الله يجازبك
بدعي عليك
بقلمي/ خالد جمال ١٢/٧/٢٠٢٦
ليست هناك تعليقات:
إرسال تعليق