عيونه ضي من القمر
وشفايفه جمرة نار
جبينه نور يضوي البصر
ورموشه سيف بتَّار
على خده ورده اللي اتبدر
ونداه ف ليل ونهار
والسحر بحر من الخطر
مليان يا ناس أسرار
كلامه لحن على الوتر
تغريد بصوت أطيار
بيهل خير زي المطر
والجدب يبقى خضار
حبيبي ياللي هواك قدر
عاشقك وباستمرار
حسيت معاك قلبي اتخطف
من يوم ما خدني هواك
أول ما ليك مال وانعطف
بقى خط سيره معاك
أول ما حن عليه وعطف
أول ما قال بهواك
بعد أما عشت سنين ضجر
وزمان لقلبي هلاك
ربك ستر
بعد أما قدًر قام لطف
وهداني أحلى ملاك
بقلمي/ خالد جمال ٥/٧/٢٠٢٦
ليست هناك تعليقات:
إرسال تعليق