على طباعك وأوصافك
يا صايد قلبي خُطّافك
شراعي وروحي مجدافك
يا شاغل كل مين شافك
بجمال عينيك
ياسلام عليك
على الخد اللي متبسّم
على القد اللي بيقسّم
تعدي النسمة بتنسّم
وتميل عليك
على الشعر اللي طال ليله
على السحر اللي فاض سيله
على جبين تضوي قناديله
وحُسن ماليك
على الماشية وع الوقفة
دي ع الطبلة وع الصقفة
يا عيد هالل مالوش وقفة
ماليش بعديك
على شياكتك وروشنتك
على شهامتك وجدعنتك
دي روحي عليها وأمنتك
واهبها إليك
يا سيد الناس وتاج راسي
يا أصلي وفصلي وأساسي
يا مالك فيا إحساسي
ربنا يخليك
يا سلام عليك
بقلمي/ خالد جمال ٢٢/٧/٢٠٢٦
ليست هناك تعليقات:
إرسال تعليق