اديتله ويقول ماخدتش
وتعالى فتشني فتش
وبعاتبه سابني وماردش
شافوني قالوا هيتهبِل
كداب يا ناس كدب الإبل
ده حرامي على قلبي كوِّش
خد شوق وغرام وحوِّش
ويقوللي فُكَّك وروِّش
اصفَرَّ وِشّي معاه دِبِل
نصاب وطريقته طفرة
وخداعه موجود بوفرة
جه لقلبي وعمله شفرة
وسقاه كده حاجة صفرا
برضاه من غير معافرة
سيطر عليه خلاه قِبِل
كداب يا ناس كدب الإبل
صوَّر لي الدنيا جنة
والعمر رياحين وحنة
بكانا وهوه غنى
أخَّرنا وقلَّ منا
مانلومشي يا قلبي غيرنا
لو مهما فينا هيتعمِل
مش طالب يا قلبي بس
غير إنك تاخدها درس
لو يوم هتدوب تحس
شور عقلك اديله حِس
عشان ما حلمك يكتمِل
كداب يا ناس كدب الإبل
بقلمي/ خالد جمال ٢٧/٧/٢٠٢٦
ليست هناك تعليقات:
إرسال تعليق