لما بكون يا حبيبتي معاكي
ببقى بكل ما فيكي انا هايم
قدك خدك رمش عنيكي
شعرك ده اللي عبيره نسايم
نظرة عينك لمس ايديكي
تكتب عهد الهوى في قسايم
همس غرامك ده اللي ماليكي
يشرق شمس ف عمري الغايم
بلقى القلب مسلم ليكي
زي وليد على كتفك نايم
طير ف سما الاحساس طار بيكي
وسط بحور النشوى انا عايم
روحي يا عمري بتحرس فيكي
قلبي ملاك فوق منك حايم
بنسى الكون وانا ملك ايديكي
لا يهمني لا عزول ولا لايم
عشقك يزرع نبتة أملي
يطرح جوه القلب عزايم
حبك يطوي اليأس ف عمري
وانسى معاك من زمني هزايم
ويغير لي في حالي وأمري
يبدل كل خسايري غنايم
بدعي معاكي يا عمري تملي
يفضل شوقي لقلبك دايم
ياللي هواك محراب فيه بصلي
وافطر على فرحتي لو صايم
هايم
بقلمي/ خالد جمال ١٣/٧/٢٠٢٦
ليست هناك تعليقات:
إرسال تعليق