نفسي ألغي م القاموس كلمة ياريت
نفسي قلبي يبقى ليكي بجد بيت
وإني أكون بر الأمان طول عمري ليكي
وإنتِ تبقي إيد تطبطب لو شكيت
نفسي افضل طول حياتي جانب منك
عمري ما ابعد يعني لحظة في مرة عنك
وأبقى زي الضل ليكي لو مشيتي
وتبقي ليا إنتِ ضلي لو مِشيت
نفسي ألغي م القاموس كلمة ياريت
نفسي ألغي أي كلمة تكون مجازاً
وإني أحط بدالها ممكن ولّا جايز
مش بقول ده يعني واللهِ إنحيازاً
بس لأني حاسسها بينّا بجد حاجز
نفسي بينّا الغي المسافة والحدود
وألغي كلمة بُعد من كل الوجود
نفسي يبقى الحب مكتوب ع القلوب
والحبيب يخلص ويوفي بالعهود
نفسي ألغي م القاموس كلمة فراق
وإني أسرق م الزمن كل السعادة
وايا بعض ونبقى حاسين بإشتياق
وأمّا أبعد لحظة بشتاقلك زيادة
نفسي يبقى الحب موجود وبكثافة
عمر يعني ما يمنعُه بُعد ومسافة
أصل يعني الحب مش عابر سبيل
ولّا ضيف محتاج بقى لحُسن الضيافة
بقلمي عبدالحميد وهبه
ليست هناك تعليقات:
إرسال تعليق