تعبنا من الوش اللي لونها يتغير
ومن الصحاب اللي وقت الجد بتطير
نقرب يقولوا مشغولين
نحتاج يردوا معلش.أصلنا تايهين
علاقات سطحية زي الميّة على الرمل
تشربها الأرض وما تسيبش أي أثر
ضحكات للكاميرا وقلوب فاضية
وكلام معسول بس طعمه مرارة
والحجج الفارغة بقت هي اللغة
الشبكة وحشةالظروف أصل الدنيا ضغط
طب وفين انت
حتى كلمة عامل إيه بقت صدقة
كنا فاكرين القُرب بالعدد
طلع القُرب بيتقاس بالوقت اللي بيتسرق عشانك
باللي يسيب اللي في إيده ويقولك احكي
مش ابعتلي فويس لما تفضي
خلاص اكتفيت
بالقليل الصادق عن الكتير الكداب
بالواحد اللي يسند عن ألف بيتفرج
ومن النهاردة
مش هجري ورا باب مكتوب عليه فاضي
وهقفل على قلبي وأرمي المفتاح
للي يستاهل بس
بقلمي أشرف محمد ضمراني
ليست هناك تعليقات:
إرسال تعليق