......... ............. ...
مساء الخير يا كلمة
يا أول خلق الله
قبل الطين وقبل النور
كان اسمك
فكنت
أنا لا أكتب
أنا أستدعي معجزة
أنا لا أنظم
من حروف
الكلمة مش صوت
الكلمة رحم
بتحمل جواها عالم
لو نطقتها بحق
قامت قيامة
لو سكت عنها بحق
قامت قيامة أكبر
الكلمة بلسم
تداوي جرح عمره سنين
الكلمة سكين
تقطع وريد كان لازم يتقطع
الكلمة بيت
تسكنه الأرواح التايهة
الكلمة قبر
تدفن فيه عمر كامل
انظر لها
هي حرفين
ولكنها بحر
هي نقطة حبر
ولكنها زلزال
هي همسة
ولكنها تقيم ممالك
وتهدم ممالك
والشاعر ده مين
ده اللي بياخد التراب
ويقول له كن ورد
فيبقى
ده اللي بياخد الوجع
ويقول له غني
فيغني
ده اللي بياخد الصمت
ويقول له اتكلم
فيصرخ
الشاعر جراح
بيفتح صدر اللغة
من غير بنج
ويطلع منها قلب
لسه بينبض
ويحطه في إيدك
ويقولك خده
ده بتاعك
الشاعر ساحر
بس سحره حلال
يحول الرماد شمس
ويحول الدمع نهر
ويحول الخنقة
قصيدة تتطير
لما تقرأ
ما تقرأش بعينك
اقرأ بقلبك المفتوح
هتلاقي الكلمة بتجري عليك
وتحضنك
هتلاقي السطر بيبكي
ويقولك كنت مستنيك
هتلاقي المعنى
بيقلع هدومه
ويقف قدامك عريان
صادق
مفيهوش كدب
اكتب كأنك بتكتب وصيتك
اكتب كأن الحبر دمك
اكتب كأن بعد السطر ده
مفيش عمر
فاختار كلامك
كأنه آخر كلام
الإعجاز مش في القافية
الإعجاز إنك تقول أحبك
فيحيا ميت
الإعجاز إنك تقول اصبر
فيقوم مكسور
الإعجاز إنك تقول أنا معاك
فيهدى عالم
الكلمة إعجاز
لأنها من عند الله
والشاعر إعجاز
لأنه اختار يشيل الأمانة
يا من تقرأ الآن
توه
توه في بحر الحروف
توه في غابة المعنى
توه وتعالى قولي
أنا تهت
بس لقيت نفسي
لأن الكلمة لو لمستك
عمرك ما هترجع زي ما كنت
والشاعر لو صدقك
عمره ما هيسيبك
زي ما كنت
وهنا نقف
على باب اللغة
نركع
ونقول
سبحان من علم بالقلم
سبحان من جعل الحرف
يخلق من العدم
حياة.... بقلمي اشرف محمد ضمراني
ليست هناك تعليقات:
إرسال تعليق