💘⚘️شايقاني ج❤️🩹 شوفتك ⚘️💘
لما الآهة تخاصر الآهة
وهمسات مرهف
حاني شقوفة وشفيف
شفتي كيف
آآآآأه شفتي كيف.. شفتي كيف لما
الآهة تخاصر الآهة ويهطل نزيف
والدموع عينة خريف
لسه عينيا معاك ساهده
شايقاها شوفتك
فتنته بيك وبنور حيائك ورقتك
والخفر الحفل خدودك ووجنتيك
أسرني النور الطالع من عينيك
يا السارحه وقلبي بين راحتيك
بي الجد بريدك ومشتهيك
آسرني أسيلك وصيد عينيك
هرب مني اللهف اللهيف
شفتيها كيف هيمانة بيك
💜🦜💘🦜💜
ياما في خاطري شاورته ليك
ما قدرته أقولك نفسي فيك
وأتعلقت هيمانة بيك
ورسمته نحته في قلبي صورتك
وكتبت حروف إسمك
الجنة وعبق طيبا وأطيارها
💜🦜💘🦜💜
وغنيتك في خاطري ندهتك
يا نخلة شامخة وريان غصنك
إنتي الخفر خدرك والعفة عطرك
يا الحياك توب غطاك وسترك
💜🦜💘🦜💜
وبسعد لما يجيبوها سيرتك
سألته كل الناس عليك
ما قالوا لي لكن شفته صورتك
داسنه ريدك في حدق عيونهم
يهاتو بيك
شفتي كيف شفتي كيف
كل الناس شايلها صورتك
بين الحنايا وفي خيالهم بحتروك
محتارين وين يلاقو البسشبهوك
💜🦜💘🦜💜
قالوا الدر خريدك
والألماس عقيد في جيدك
شايل بريقه من خفر خديدك
ورفيف حرفك ضي أسيلك
رقيقة كيف لما تفردي عسيلك
وبتشتهيك.. وبتشتهيك
لو لحظة في العمر تتهنى بيك
وتنفضح... وتنفضح
كل الأحاسيس والمشاعر
لما يجيبو سيرتك
وكل عاشق في الخيال يحتريك
شفتى.. كيف شفتي.. كيف
لما الآهة تخاصر الآهة
أقابلك طيف ويهطل نزيف
الحبوب الشبشاوي
(بشير التوم إبراهيم)
الخرطوم السودان🇸🇩
#الشبشاي
ليست هناك تعليقات:
إرسال تعليق