سلِّم للشوق والميل قلبك
واسمح للهوى يسكن دربك
دانا قلبي هواك عاشقك بجنون
ومنين ما تروح هيكون جمبك
ماتسيبك م الحزن وبيده
واطلع م الليل والنور قيده
وان عشقك جالك مد ايديه
إياك تكسف مدة ايده
ليه تعيش ف الأسى مع تنهيده
وتبكي القلب ف يوم عيده
ده العشق زارعلك فيه بستان
يحلم لو تقطف عناقيده
ليه تخاف م الحب وليه تقلق
ليه تسيب النار جواك تحرق
دي سفينة الحب نجاة م الموت
ليه تسيبها وف الأوهام تغرق
العشق ده أجمل شيء ف الكون
لو راح منك هتعيش محزون
وان قلت موافق لو بشروط
راح أجيلك وف ايدي المأذون
راح أبطل كيف وأنسى التدخين
وهخس لو أنت شايفني تخين
كل اللي هتأمر بيه هلبِّيه
لو قلبك يرضى ف يوم ويلين
لو هندي وصيني أنا هتكلم
وان قلتي بلاش لبس مقلم
راح اطاوعك لو طلبك كان ايه
مانا قلبي خلاص ليكي مسلم
سلِّم
بقلمي/ خالد جمال ٨/٨/٢٠٢٦
ليست هناك تعليقات:
إرسال تعليق