(لن يموت&&##)
لن يموت الحب في
قلبي واذا مات يبقى
أنتي سبب موته.
الحب عندي بيتجدد
مع طلعة الصبح
وأول شروق للشمس
من بدري وغنوة
عصفور على شباكي.
وساعيه ورا كوته.
بيتجدد وبيصلي
وبيسبح وبيحمد
ربنا في سره.
وبساعيه كل يوم
من الفجر في طريقه
لغيطه ويدندد
مع لحن الناي ويجرب
أول غنوه في بحته
لصوته.....
لن يموت الحب
في قلبي وإذا مات
يبقى إنتي
سبب موته....
ودبحه بكلمتين.
يغمه ويكرهوني
في الدنيا ويعدموني
العافيه ويجبوا لي
الكافيه ويهدوا في
نفسيتي ومشاعري.
ويكونوا سبب هبوط
للقلب في صمته
وسكوته.....
ماتيجي تجربي مرة
وتضحكي على قلبي.
بكلمتين يسروا الخاطر.
مع طلة قمره في ليله
ضلمه ونسمة هوا مارقه
بتداعب خصلتين باقيين
في راسي معظمهم بيض
من فعل الدنيا وقساوتها
هاتلاقي قلبي يطنطط من
الفرحه ويتمرجح ويلعب
زي ولد طفل بلعبته
وأب من غربته لساه
واصل حالا فيتحول
ومن فرحته.....
يروح حضنه من شوقه
لأول حضن ويخبي
دموعه من كسوفه.
لن يموت الحب في
قلبي وإذا مات
ويبقى إنتي سبب
موته.......
وفيها إيه خلاص
الدنيا هاتخرب
خراب بخراب بالمرة.
ماتسيبي الأمر على الخلاق.
والملك للمالك.......
ومدبر الكون وباسط للخلايق
رزقها وأكلها وشربها
وتملي وشك ضحكه وبسمه
ونظرة حب وود ولو من ورا
ضهرك ولا الكبرياء والغرور
واكلك مع إنك عادي وأقل
من عادي لولا قلبي ال
فاضحني بحبك وعشقك
وهيمان بيكي وولعان
وكايد ناره ومتحروق
ديما لاقادر أسيطر عليه
وديما يخوني ويجري ورا
سراب حبك ال مش باين.
إنك شرياه بحزمتين فجل
ولا حزمتين جرير ولا كرات.
ومشكلتي إنك سبب
في سقوطه...
بالنكد يومنا هايعدي
وبالغم يومنا هايعدي.
بالحزن يومنا هايعدي.
وبالفرح يومنا هايعدي.
ما تحطي إيدي في إيدك
ونتعاهد ونتفق ونوثق
إتفاقنا بحب وود وشوية.
مشاعر معجونه بعطف
ونرش عليه هدوء وراحة
بال ونعطرهم بقبلتين
على الخد مع لمس وهمسه
وإحساس وننسى مشاكلنا.
شويه ونرتاح ونرمي من
ورانا الناس بحقدهم وحسدهم وغلهم والله وعزة
الله هتلاقيني خاتم في
صباعك وخدامك ال مش
شرياه ولا في سوق
النخاسه بيعاه ولو قدرت
أجيب لك من السما حته
هاجيب بس نظره
وشوق لله وحبة حب
وياه هاكون لك دار
ودوار ومطرح للقلب
هايسيعك وصدري
ليكي براح واسع
منين ماتروحي
فيه سارحه وشجر
مثمر وطارح
عنبه ورمانه
وتوته.......
25/8/2026
بقلمي أنا شاعر العاميه
(خيرى حسنى)
ليست هناك تعليقات:
إرسال تعليق