خلاص مليت من الأشواق
هسيب العشق ومروح
خلاص شتيت وصابني الداء
بقيت ماشي وبطوَّح
خلاص ما العشق قال ياخناق
بايده ف وشي بيشوَّح
خلاص قلبي مراره وداق
وسامعه ف صدري بينوَّح
خلاص دربي عليا وضاق
وتايهة خطايا متسوَّح
مفيش مرة حبيب كان صان
وحس بشوقي أو لمح
قلوب جامدة حجر صوان
بقسوة تمسي وتصبَّح
هاعيش وحدي كما الرهبان
لا هخسر فيه ولا اتربح
هاكون مرضي مانيش تعبان
لا فيا يهين ولا يأبَّح
عشان صار ذكرى كان ياما كان
في نبض قلوبنا بيجرَّح
عشان ما بقاش له بينا مكان
هَلِمّ عزالي ومروح
بقلمي/ خالد جمال ١٩/٨/٢٠٢٦
ليست هناك تعليقات:
إرسال تعليق