د/علوي القاضي . إستشاري القلب ، مصــــر
.★|★. لو قلبك نطق وتكلم كان قال لك إيه ؟! ،،،
.★|★. كان قاللك «(أنا قلبك يعني حياتك)» ويستطرد ،،،،
.★. مين قال إن قلة شرب الماء بتضر بعضو الكُلى بس ؟! ، وبالنسبة ليا أنا القلب ، للأسف محدش بيتكلم عن أهمية شرب الماء بالنسبة لي ، فقررت أنا أقولك
.★. أنا يا صاحبي بضخ الدم علشان أوصل أكسجين لكل خلية في جسمك ، لما جسمك بقى ميبقاش فيه سوائل ، اللزوجة في دمك بتكون عالية وفي الحالة دي بضطر أشتغل أكتر وأعمل مجهود أكتر ، فلو سمحت اشرب سوائل كتيرة علشان تسهل الدنيا عليا وأبقى مرتاح وأنا بشتغل
.★. كمان الجفاف ممكن يسبب إضطراب ضغط الدم ، يا إما يعلوا يا إما ينزل فجأة ، وشرب الماء هنا بيساعد على توازن حجم الدم وضغطه الطبيعي ، ويحميني أنا وشرايينك من الإجهاد
.★. لما جسمك بيسخن من قلة شرب الماء ، بضطر أنا أضخ دم أكتر للجلد علشان التبريد ، لكن في حالة إنت شربت ماء كافي فالحرارة هتفضل متوازنة وأنا مجهدش نفسي
.★. وأخيرًا متنساش إني عضلة ، والعضلات كلها محتاجة سوائل كفاية علشان تشتغل بكفاءة ، وقلة الماء ممكن يسبب لي خفقان️
.★. أنصحك يا صاحبي وأقول لك اشرب حوالي ٨ أكواب يوميًا ، أو أكتر لو الجو حار ، أو إنت بتتحرك كتير، متستناش تعطش أصل لما توصل لمرحلة الإحساس بالعطش كده جسمك بيستغيث
.★. لما بتتوتّر أو تزعل جسمك بيفعّل استجابة القتال أو الهروب وبيفرز هرمونات زي الأدرينالين والكورتيزول ، وده بيخلّي
ضربات القلب تعلى وضغط الدم يرتفع ، الأوعية تنقبض ويزيد طلب القلب على الأكسجين ، ومع التكرار ممكن يزيد الالتهاب ويضعف الشرايين ويهيّئ لحدوث اضطرابات في النبض أو مضاعفات قلبية
.★. بعبارة بسيطة العصبية المزمنة بتخلي قلبك يشتغل فوق طاقته طول الوقت
مش لازم تحس بألم دلوقتي
العادات النفسية السيئة بتتراكم ونتائجها ممكن تبان بعد سنين ، لو بتصرّف بعصبية دايمًا ونومك مضطرب ، صحة قلبك هتكون معرضة للخطر ، جرّب تهدي أعصابك خطوة بخطوة
.★. إبدأ بخطوات بسيطة يوميًا جرّب تعمل واحدة منهم كل يوم تنفس بتقنية ال 4-4-4
.. خد 4 ثواني شهيق 4 ثواني زفير كرر الموضوع 4 مرات
.. امشي 10 دقايق الحركة البسيطة بتهدّي الجهاز العصبي
.. اشرب ميّه الجفاف بيزوّد التوتر
.. خفّف كافيين لأن قهوة أقل = قلق أقل
.. نوم مضبوط حاول 7-8 ساعات بانتظام
.. كلم حد انت بترتاح له علشان يخفف حملك النفسي
.★. جرّب واحدة من الخطوات دي النهارده ودايمًا راجع إحساسك بعد أسبوع
... تحياتي ...
ليست هناك تعليقات:
إرسال تعليق