(847)
...........................
صادق صادق يا كداب
جربناك يا حاج عجه
لا ترباس شغال وصدا
ولا تنفع حلق باب
أصل وصل الكره عاده
والجعان يكفينا شره
كل يوم صلاة وعباده
في ثوب نفاقه غل ساده
والمحوج شكله علقم
حقد كابس ع المراوح
داقوا من زرعه اللئام
ما القصب عيدانه مالت
والبيت اللي زمامه فاليت
ماتلقيش جواه رجال
اللجام في أيدين ما توعى
ودي تقول لشيطانها إوعى
وتبتليه تحرش كمان
حسباني من دول هطبل
ولا هرقص ع السلالم
فاضحه نفسك من زمان
كل واحد جايله يومه
وخسارة فيكم السلام
وإنتي يا شيبوب بعوده
طالعه نازله بالكلام
وإنتي يا فاقعه وصفرا
إتبسطي ولا لسه
إكتبي التاريخ كمان
واللي على رأسه بطحه
أخيراً أبو عله بان
إمبارح وشطبنا إسمه
من النهارده ملوش مكان
بقلم .. صبري رسلان
ليست هناك تعليقات:
إرسال تعليق