تعبنا بس لسه بنقوم
ووقعنا بس لسه بنضحك
واتوجعنا بس لسه بنحب
عشان احنا بني آدمين مش حجر
فيه ناس في العمر بتيجي مرة
لو ضاعت العمر كله بيضيع
وفيه ناس وجودها زي عدمها
ولو غابت الدنيا بتوسع
الدنيا مش دايمة لحد
لا الغني بيفضل غني
ولا المكسور بيفضل مكسور
كله سلف ودين وكله هيترد
أوعى تبيع اللي شاريك
عشان خاطر اللي بايعك
وأوعى تجري ورا اللي ناسيك
وانت اللي في باله ناسيك
الرضا كنز محدش بيشوفه
والستر نعمة محدش بيحس بيها
ولقمة بايد حبيبك بالدنيا وما فيها
ابكي بس قوم
اشتكي بس لربنا
احتاج بس لنفسك
عشان محدش هيشيل شيلتك
اللي يفهمك بسكوتك امسك فيه
واللي يطبطب على وجعك متسيبوش
واللي يختارك في عز زحمة الدنيا ده رزق
اوعى تقسى على قلبك
ولا على حد بيحبك
الكلمة الطيبة بترمم
والحنية بتداوي
بكرة جاي بحلوه وبمره
بس انت لازم تكون فيه
بضهرك مفرود وعينك قوية
عشان اللي فات علمك وفي الآخر مفيش غير حاجتين
عمل يتكتبلك
وناس تفتكرك بالخير
فعيش عشان دول بس.. بقلمي اشرف محمد ضمراني
ليست هناك تعليقات:
إرسال تعليق