فكري شوية في كلامي،
قولي لي هتلاقي زيي فين؟
دا انتِ لو لفيتي الدنيا بحالها،
مش هتلاقي زينا اتنين،
ولا هتلاقي أبداً زيي،
مهما تلفي على بديل.
قلب طيب كله حنان،
ياخدك على جناح الهوا،
وبيكِ يطير،
ومالوش في الحب مثيل.
هاشيلك جوة قلبي،
وأغطي عليكِ برمش العين،
أفديكِ يا روحي بعمري،
وأموت علشانك،
حتى لو هموت قتيل.
بس انتِ خليكِ معايا،
تلاقيني معاكِ
سالك وواضح من غير تغيير،
علشان قلبي أصيل.
بيكِ أتقوى،
وعلى الصعب أدوس،
وأتخطى المستحيل.
فكري شوية في كلامي،
قولي لي هتلاقي زيي فين؟
أنا وانتِ مع بعض،
حاجة تانية،
تفاحة وانقسمت نصين.
بقلم: عبد المنعم مرعي
ليست هناك تعليقات:
إرسال تعليق