ابعد عن سكتها....80
ابعد عن سكتها وبلاش كل شويه تعكسها لو جوزها عرف هايطير رقبتها
كل شويه تشاغلها وتستغل ضعفها وطيبتها ومسر تكون دافع لانفصالها
وقت الجد هادور ع غيرها وتكون دافع لطلاقها وف الاخر مش هاتتجوزها
ع الفيس عامل مراسله وكل شويه بتهددها وفاكر بكده شطاره وعايز تفترسها
تكتب كلام جميل عشان تلفت نظرها وبالتعليقات عايز تقرب منها
لكن هاتستفاد ايه لما تخرب بيتها لو جوزها عرف هاتبقى كارثه ولا هايرحمك ولا يرحمها
استغفر الله وارجع وبلاش تخسرها وتفضل تدعي عليك وربنا هاينصرها
افتح باب لنفسك بعيد عنها وحافظ ع بيتك وبلاش تذلها وتكسرها
دي مسؤوليه مش مجرد كلام ووقت الجد مش هاتعرفها ولو حبيتك ربنا قدام جوزها هايكشفها
يبقى بلاش تشغل عقلك وتعيش الوهم دا نصيب وربنا قدرهولها
ليه تخالف السكه وتفضل تسهر تراسلها دا جوزها متابع اخبارها حتى لو بعيد عنها
مش يفضل سهران وانت بتعشقها دا حتى يبقى حرام ومش هاينفعها
حتى لو بتعبر عن مشاعرها وحاسه بجمالها وأنوثتها وطلبت ميعاد عشان تقابلها
او ع الفيديوا بتبين مفاتنها اهدى واعقل دي مجرد نزوه لو فرضت عليك انك تخون جوزها
لو مكانه مش هاتقبلها لحظه لمجرد أن شخص لمراتك حاول يضايقها
احنا ف زمن صعب ومحتاجين الجنه وربنا يكون راضي عنا وهايحاسبك ويحاسبها
اوعى تفتكر بالخيانه ربنا معاك هايسترها ولا تكون من أهل الإيمان والتقوى دا العمر بيعدي ف لحظه والموت ف انتظارك وانتظارها.
ازاي هاتقدر تتحمل النار يا صاحب الكرم والعفه لما تدخلها وكما تدين تدان وربنا بنفسه ذكرها
وليها رب اسمه الكريم قادر ف يوم ينصرها ويبعدك عنها وانت المسؤل قدام اللي خلقك وخلقها...
مع فارس الكلمه/الشاعر طاهر مختار عتيت
شاعر العصر...تحيا مصر...... الاحساس و بس
طنطا.....كفر الزيات.....اكوه الحصه...
ليست هناك تعليقات:
إرسال تعليق